NAGLABAS si Migrant Workers Sec. Susan Ople ng 20 alituntunin sa labor recruiters. One-strike policy – kanseladong recruitment license agad ang parusa sa paglabag.
Kabilang sa 20 “mortal sins” ang pag-recruit ng menor de edad, at sa trabahong panganib sa buhay, pangkalahatang kalusugan, moralidad, dignidad ng tao, at reputasyon ng bansa. Panunuhol, korapsyon, padri-padrino. Panlilinlang, pag-recruit ng walang kontrata o paggamit ng papeles ng iba, pag-deploy sa ibang employer o sa bawal na pook.
Sa higpit ng 20 alituntunin, matitinong recruiters lang ang matitira sa industriya. Obligado pa sila mag-escrow deposit ng P1.5 milyon pang-emergency gastos sa kapakanan ng recruit.

SUBSCRIBE FOR FREE
Get my latest articles delivered straight into your email inbox.
No strings attached, no ads, no spam.
Plus we will never give your email address to anyone else.
Unsubscribing is equally easy.
Almost done! Just click CONFIRM on the email we sent you just now.
Kung kaya ng DMW maghigpit sa recruiters, mas dapat sana maghigpit ang gobyerno sa empleyados nito. Halimbawa:
– Ibawal ang kandidatura o pagtalaga sa sinumang nahatulang tiwali ng lower court. Inaabuso ng mga korap ang mabagal na hustisya. Puro apela sa mababa o mataas na korte. Bawat apela ay inaabot ng maraming buwan para desisyunan. Sa huli, patay na ang mga testigo. Nakakawala ang korap para enjoy-in ang milyon-pisong kinurakot.
– Tanggalin agad ang umabusong pulis. Nananatili sa unipormadong serbisyo ang mga paulit-ulit na nangsa-salvage o pumapatay ng suspek, nangingikil, nagre-recycle ng kumpiskadong droga, nagbebenta ng baril na issued sa kanila, nagtatanim ng ebidensiya. Pinalalala nila ang kriminalidad.
– One-strike policy din sana sa burokratang binabagalan ang pag-isyu ng papeles para humingi ng “langis” (suhol). Sinisira nila ang kabuhayan ng mga nag-a-apply ng lisensiya at ang imahe ng gobyerno. Ni hindi nabubuwisan ang kinikita sa korapsyon.
* * *
Makinig sa Sapol, Sabado, 8-10 ng umaga, DWIZ (882-AM).